【突發】【 多圖】 淫底陳雅倫車廂送外賣 李思捷瘋狂奶西

BigBoysClubAisa     2016-11-12     544     檢舉

【突發】【 多圖】淫底陳雅倫車廂送外賣 李思捷瘋狂奶西

無嘢嘅,大家雙眼就係證據。周六晚,李思捷喺荃灣愉景新城主持播映會,明明應該喺大陸做嘢嘅陳雅倫,失驚無神跌曬膊咁殺到!思捷「弟弟」驚喜到吖,又搭膊,又攬腰,再拉住手送「姐姐」入座。嗱,有記者喺度,呢 pair「姊弟」都咁寃氣!落到停車場攞車嗰陣,佢哋以為無人睇到,直情大解放,思捷左右手輪住攬腰,上車時又由膊頭捽到落手踭。噢,喺車廂仲 funny,女嘅主動挨埋去咬耳仔,然後男嘅又成個身瞓埋落「姐姐」度。春卷呀春卷,你後生,接受能力高,可唔可以解釋俾媽咪姐聽,呢啲叫乜嘢「姊弟情」呢?係咪狼虎嗰種呀?

一向識食嘅李思捷,見性感撐場嘅雅倫姐姐影完相,即刻攬腰護送。個樣仲……想點呢?

姐姐,弟弟想和你去吹吹風呀!完騷後,唔知有記者跟嘅李思捷左手攬住陳雅倫條腰,右手指示助手去攞車,威呀!

去到車門邊,仲未攬完喎!今次換右手先。雅倫姐姐冧到笑曬,難得旁邊嘅捷媽亦見慣不怪。

上車上下捽

終於坐上車,準備閂車門嗰一刻,思捷弟弟都無浪費㗎!一手由雅倫姐姐個圓渾膊頭,捽到落最為人忽略嘅手踭位。滑曬嘞!滑曬嘞!唔該細佬。

車廂無限 touch

你以為「姊弟情」就係頭先嗰幾張相咁膚淺嘅咩?思捷弟弟,你左邊面係咪好鬼熱呢?雅倫姐姐(左)教你,乜嘢叫主動出擊!

唔得嘞!情到濃時,李思捷瞓身挨落陳雅倫身上, sweet到呢!你諗咩呀?媽咪姐講緊「姊弟情」。