(本人岩岩放監) 坐過幾年監,你肯問~我敢答

HkClub01     2016-12-02     133     檢舉
(本人岩岩放監) 坐過幾年監,你肯問~我敢答

我入過荔枝角(老荔), 壁屋成人監獄(老鬼監房), 赤柱監獄(祠堂), 小欖精神病治療中心.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 入面有乜做?

答: 睇人每晚用洗手盤炒飯食, 用1年煙(1包煙) 同人換1袋雞亦, 比人返到倉入面用個洗手盤炒飯, 然後一個閘一個閘傳過黎我個倉到, 上面仲用紙仔寫左我個倉門號碼, 同水整濕貼落去, 好似茶餐廳咁. ,平時捉棋多, 工作就一個月比8飛煙(8支煙)人地幫我做埋.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 係咪每日都要執"番皂"?

答: 無D咁既事, 呢D只係網上笑話, 真實係有人攪基既, 就會自己安排2個人一個倉, 佢地自己攪, 唔會影響到人.

影響到人你可以打柒佢, 無人會怪你.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 點打 j

答: 如果係2人倉, 就另一個人訓左偷偷地打, 但每15分鐘就會有職員行過, 睇下你有無自殺的, 所以要盡快.

單人倉就最正, 做咩都得, 不過無人傾計會好悶.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 新仔入去會點?

答: 無咩特別, 好似入左新公司咁, 好多野都唔識, 唔熟, 然後慢慢就有人教你, 我知你想問會唔會比人打,

呢樣野學名叫做 "收新人" , 而家無左好內架啦.

記住, 21歲以後先好做壞事, 因為21歲以前, 係有可能會判去YP(少年監獄), 更新中心, 勞教中心,

呢D叫做靚仔監房, 靚仔監房就日日打到仆街的. 職員會打你, 犯人會打你, 如果個日無人打你, 你會驚,

因為如果打左你, 你知個日已經完成, 唔會再成日怕會有人打你.

勞教中心, 打得最勁, 幾壞既靚仔都會變乖, 如果都係唔聽話, 就會出大技, 就係掉你落街, 趺斷曬你既手腳,

呢一招無人唔驚的! 不過間中唔好彩頭落地先就死返1-2件, 亦係好正常, 到時就會話你想逃獄, 而當時既CCTV就會咁岩壞左, 你吹尻佢帳咩

(本人岩岩放監) 坐過幾年監,你肯問~我敢答

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 小欖精神病治療中心有冇咩經歷分享?

答: 小欖精神病治療中心, 有一個叫做 "神秘組" 既地方, 係E座3樓全層.

個度係收容一些, 已經犯左事, 係犯人, 但佢督人背脊, 個身份變左由保安局管,

正常黎講呢D 25仔係住係出面既安全屋的, 但因為佢本身犯左法, 要坐監,

所以就會放係 "神秘組" 內, 佢地出出入入所有人都要散開, 有屏風等你睇佢唔到,

唔可以比人睇到佢地個樣的, 而因為佢地已經唔係由懲教處管的, 佢地係屬於保安局,

所以特別大支野的, 人地食普通雞亦, 佢要食蒸雞亦, 仲可以加多包奶, 仲有雪櫃用, 好撚串的.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 衰老強 ,個D人會有咩待遇?

答: 岩岩入去你會有個臨時既牌仔, 上面會寫住你既罪行, EDD(Early Discharge Date),

即係唔計你犯事再加監既最早出冊日期.

第一日個職員安排入個臨時倉時, 會安排你去一D比較乖既犯人一齊訓, 會提醒你唔好同人講自己衰咩.

有些好心既職員會教你, 有咩事同職員講, 你係 "SO" (Sexual Offence), 佢地就會明白, 會特別照顧你.

第2日就會安排你去同商科既人同一個"期數"(工作地方), 個度D人會斯文好多, 而個期數有2個B仔(幫職員做野既犯人), 而個2個B仔都係"SO"的, 所以佢地會睇住你.

老強一般會判6年, 你認罪既就判4年, 4年就會入赤柱, 赤柱會有保護組, 你岩岩入去會有 "保安" (負責監獄保安的, 比較大權) 既人見你, 會自動幫你入去保護組的, 所以一般黎講係唔會有事.

Cat A = 12年零1日, 至到終生監禁

Cat B = 4年至12年

Cat C = 1個月至4年以下

反而你down cat (由Cat B轉 Cat A)時, 會過介(轉監房) 去一些低設房既監獄, 反而多麻煩友攪你,

但如果你係大監房出黎, 佢地反而有D驚你, 而你係大監房見慣世面, 識得好多玩野, 或保護自己既方法

(有咩事可以搵職員, 話你比人攪, 你而家要要求保護, 咁佢地有負任保護你, 如果唔係你可以搵機會投訴),

比心機捱埋佢, 出黎重新做人就得.

問: 監獄風雲d情節係咪真?

答: 個個年代比而家黑暗好多, 套戲8-9成係真

~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 洗手盤炒飯 ,洗手盤 係味鐵個d ?

答: 因為每日食既飯係無味道, 唔係我口尖, 係因為廚房將所有材料都賣曬比人, 所以落到去你既飯, 係無任何味道的, 最好食既係小欖, 因為係請外邊既廚師入黎煮的, 其次係壁屋, 因為個阿一"個個監房最大個個"嚴禁廚房仔賣野, 所以D食材可以落返去碟飯度比你, 好有良心.

因為長期食D好難食既飯, 所以洗手盤炒飯, 係我呢一生人食過最好食既野, 就好似食神入面既 "叉飯加隻蛋" 咁, 好有意義.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 有冇諗過逃走? 用過咩方法?

答: 無可能走到的, 所以無諗. , 反而剛剛入去頭一個月, 仲未接受到, 成日發夢時分唔清自己係唔係坐緊監,

有時係夢入面, 係外邊既世界, 以為呢個係真, 坐緊監個個其實係夢,

來來回回被困係呢個夢景內, 好辛苦.

~~~~~~~~~~~~~~~~~~~~~~~~~~~~~~~~~~~~~~~~~~~~~~~

問: 係咪個個人都食煙 唔食煙用咩代替?

答: 90%既人都食煙, 你入去時會問你食唔食煙, 你唔食都要話食, 因為煙係貨幣, 你要靠佢黎買好野食.

如果你講左唔食煙, 還押時你屋企人就唔可以入煙, 到時就難捱好多, 無好野食.

煙=貨幣, 你可以唔食貨幣, 但你必須用貨幣去買野食

~~~~~~~~~~~~~~~~~~~~~~~~~~~~~~~~~~~~~~~

問: 聽講有得叫外賣,係咪真?

答: 係還押緊, 未定罪之前, 你都係無罪既身份, 所以可以叫屋企人幫你申請私家飯,

只係普通茶餐廳野, 價錢超貴, 10幾年前, 要$4000幾蚊一個月.

~~~~~~~~~~~~~~~~~~~~~~~~~~~~~~~~~~~~~~

問: 想知每日有咩做 有冇好似美國咁做gym?

答: 還押無野做的, 日日玩.

定罪後做既野都係扮野的, 扮比入黎參觀既人睇, 有野做都係一D簡單工作, 亦可以比煙人幫你做

~~~~~~~~~~~~~~~~~~~~~~~~~~~~~~~~~~~~~

問: 巴打在入面有無讀書? 聽過人講有限住你一日只可以睇幾本書係咪真架?

答: 1) 巴打在入面有無讀書?

有, 仲可以申請馬會個基金讀大學. 識石壁有個人, 坐左15年, 讀左3個博士學位, 佢就係當年自己開地產公司, 迷姦自己請返黎既女下屬, 一時重手左, 死左人個個. 佢而家長期係大陸生活緊.

2) 聽過人講有限住你一日只可以睇幾本書係咪真架?

假的, 只係限每次拜山(探訪)時, 只可以入6本書, 同成個倉最多50本, 如果多過50本, 你同福利官申請就得, 實會批準的.

~~~~~~~~~~~~~~~~~~~~~~~~~~~~~~~~~~~~~~~~

問: 半日進修 半日做野? 唔做野會點? D職員爛唔爛口?

答: 如果你真係讀書, 會減小你既工作, 其實...根本無野做的. !!99.9%既犯,職員,都爛口的.

~~~~~~~~~~~~~~~~~~~~~~~~~~~~~~~~~~~~~~~

問: 有咩娛樂?

答: 嘩...好多野玩...

捉棋,打藍球,足球,康樂棋,扯大繩比賽...

我發明左個手提電風扇, 有人用紙整左隻一比一既鱷魚, 有人捉左隻麻雀養, 教到佢識聽你話, 你拍一拍肩膀佢就會飛埋黎.

係無咩材料既情況下自製蛋糕,雪糕,橙酒...

~~~~~~~~~~~~~~~~~~~~~~~~~~~~~~~~~~~~~