我3年溝十幾條女,溝女其實係有方法

HkClub01     2016-12-03     70     檢舉
我3年溝十幾條女,溝女其實係有方法

門當戶對:

雖然男人係用眼黎到拍拖(女人用耳仔拍拖),見到靚女性格又唔差既話,相處多排9成都會鐘意人地。但係收好人卡就係依個時候,講真果句,雖然高登仔個個都係米8以上,30吋長,但係女神唔係咁易溝到。所以其實追女第一樣野就係了解自己係自己既條件再選擇合適既對象,如果唔係到頭黎溝唔到女之餘,又令自己辛苦。

外表儀容:

相信某d巴打對自己既外表儀容並唔係有太大既自信,所以見自己樣衰,就連儀容打扮都放棄埋。其實對女士黎講,即使你唔係靚仔,都可以用其他方面補救(談吐,行為)。但係如果你連自己個樣都唔執下,女士係最討厭污穢既男仔。Eg: 成面暗倉,頭髮亂or油到反哂光,唔剃so,著埋d衫同時代脫哂節。對女士黎講都會大打折扣,其實做好基本儀容整理,印象分都唔會差得去邊。

至有d條件比較好既巴打會成日問,明明自己條件唔差,點解仲係冇女,咁好大可能係相處同談吐等方面出現問題。

相信有好多巴絲都留意到,行街or身邊總有一兩個男性朋友點解條性比較一般都可以追到女神級既女朋友,排除左佢地係高登仔同有錢仔既可能。佢地係相處方一定處理得好好。

我3年溝十幾條女,溝女其實係有方法

心態方面:

好多巴打係追女仔常犯既錯誤係心態既問題,因為為左想追到個女仔,就會不自覺地講出or做出對女仔係over左既說話同行動,而依d正正係令到你最後收卡既主要原因之一。講到尾,追女仔應該抱住一個咩心態先岩? 「朋友」,你同佢whatsapp,相處既時候千期唔好當佢係女神咁樣看待,唔需要講任何野專登去flirt佢。當一般既女性朋友既chat就可以,唔好因為佢係你既對象而唔敢搵佢,你反而大大方方咁同佢傾計,分享下日常既平凡的事,成功既機會會更高。

其次,有d巴打可能個性格係比較既人。但對女士黎講。』急』 一定係死罪黎。女士係一種好睇同注重所謂既』Feel』 既生物,係感情當中係以feel黎行先。而feel係要透過一段日子既相處,好感既累積而慢慢變成為既。所以追女仔最忌就係太急,一口快快講錯野,就前功盡廢。雖然,好似講緊廢話,但係又唔可以拖太耐(唔好屌鳩我住),因為當女士對你有一定既好感時,再者係鐘意你。但如果你戇居居咁keep住戀仲關係唔一齊,段感情好有可能發展成好朋友既階段。

相處方面:

可能比較多巴打想知道點樣相處而留下好印象。女士的好印象會變成好感,好感又變成有feel。所以留好印度係第一個step,聽落去好空泛,點先留下到?其實從生活中既小細節入手,如果巴打同心儀既女生係有face to face 既接觸,不防試下幫下佢一d小事(但係唔好係又幫唔幫唔係又幫)咁反而會比人覺得你係狗公一名。如你擔心唔知點幫先叫小事,點幫先唔係叫狗公,可以試下幫身邊既人,唔需要刻意比佢見。久而久之,就會慢慢留下一個好印象。身邊既人對你既印象唔差既時候,對你絕對係好大既好處。

其次,識分輕重對女士黎都係一種好吸引既特點。巴打可能會比女女試過話自己唔成熟,做事吊兒郎當咁,其實處事唔成熟都係另外一個死罪黎。但係巴打們覺得,好難去變做成熟架bo。其實都係從生活中去改變啦,』玩既時候盡玩,認真既時候真係要扔哂成個心落去』 其實咁樣係好突顯出你係一個懂得事情輕重既人。

『Just act normally and be a gentlemen』

說話方面:

好多時候會聽到女士們其中一個好重要既擇偶條件係』風趣幽默』依個term,相信好多巴打心目中都暗屌一句,風趣幽默依d野天生架,屌你點學呀。的確依樣野係學唔黎,但你起碼最少要做到一個健談既人,唔好講兩個句就lag機咁款,比少少自信去講野,同埋講野既時候要望住人,唔好四處遊走。

另外,每句說話出口前都盡量諗多一之先,有果句講果句對女士係唔acceptable,有時轉少少灣講野返而女士們會更受落。

可能會有巴打打句Too long can』t read 同留個負面就走左,但希望其他巴打睇完之後有幫助,唔係單單追女咁簡單。