【有地址】元朗隱世美食 6大懷舊之選 元朗地膽食過未?

weiwei11     2016-12-06     39     檢舉

舊區較有獨特本土味,元朗隱世美食值得你「寶物尋歸底」,市區原來有不少漏網之魚,唔想錯過地道風味?6 大元朗隱世美食,一於食盡佢,連牙罅都攝埋!

01) 元朗自設嘅大工場 | 舊墟軟熟方包 ($8/8 塊)

元朗舊墟老村屋一間老餅家的出品,已經有 50 多年的歷史,以往還會做唐餅,現時只造方包批發及零售。方包每片足足有7吋大,在店內工場新鮮製造。口感鬆軟如海綿,超濃麵粉香,去BBQ或者野餐前必買!

【有地址】元朗隱世美食 6大懷舊之選 元朗地膽食過未?

一條條新鮮出爐的方包放在麵包架上以風扇吹散水氣。

【有地址】元朗隱世美食 6大懷舊之選 元朗地膽食過未?

麗香餅家

地址:元朗舊墟南門口 30 號地下

營業時間:6:30am-12:00nn、4:00pm–6:00pm

02) 冬菇亭自家梅菜盅頭飯 ($25/碗)

藏身於冬菇亭正中央,被四間餐廳包圍,不是熟客,頗難發現。招牌盅頭飯集合四種米,以新米溝舊米,並以中國米混合泰國米,食落煌韌有嚼頭,再加上自家醃製甜梅菜,以及肉多少筋的排骨,落埋甜豉油,飽肚滋味又果腹。

【有地址】元朗隱世美食 6大懷舊之選 元朗地膽食過未?【有地址】元朗隱世美食 6大懷舊之選 元朗地膽食過未?

自家梅菜仲可以買走。

大良泗記

地址:元朗大棠路熟食市場 C5 舖

營業時間:6:30am-3:00pm

03)一咬傾瀉 手工糯米糍 ($10/3粒)

紅遍大橋街市的名物,原本在凍肉店前借用舖位小本經營,後來神秘失蹤,街坊大叫可惜,原來靜悄悄搬了去後面街,正式入舖。必食即包即製花生糯米糍,皮夠薄,花生餡一咬傾瀉,極為甘香,食一粒,絕對唔夠喉!

【有地址】元朗隱世美食 6大懷舊之選 元朗地膽食過未?
【有地址】元朗隱世美食 6大懷舊之選 元朗地膽食過未?

一雙手、一個小樽,輕易就碌出糯米薄皮。

驊記糕點屋

地址:元朗安寧路利群樓地下(光華書店後面)

營業時間:10:00am–7:00pm(逢星期一休息)

備註:糯米糍數量有限,售完即止

04) 細細粒 勁辣薑糖 ($30/盒)

其奧的花生糖賣到街知巷聞,不過它的薑糖同樣出色,將老薑混合麥芽糖,切成小顆粒,的骰容易食。每粒都清楚見到一條條薑絲,食落有如軟糖,微甜中緩緩滲出超辣薑汁味,好過癮!

【有地址】元朗隱世美食 6大懷舊之選 元朗地膽食過未?【有地址】元朗隱世美食 6大懷舊之選 元朗地膽食過未?

其奧

地址:元朗大馬路 36 號

營業時間:10:00am–10:00pm

05) 懷舊豬油混醬腸粉 $10/份(4 條)

曾幾何時,元朗有間車仔腸粉,元朗地膽大愛,連蘇絲黃都回味無窮。後來因為加租,無奈結業。闊別年半,最近重出江湖!這碟豬腸粉,精髓在於加入了燒豬油,食落帶有煙燻味,坊間激罕,拌勻腸粉來吃,邪惡到爆裂!

【有地址】元朗隱世美食 6大懷舊之選 元朗地膽食過未?【有地址】元朗隱世美食 6大懷舊之選 元朗地膽食過未?

七十一

地址:元朗又新街 40 號地下

營業時間:2:00pm–12:00mn(逢星期三休息)

NIKE outlet勁返貨 Gyakusou超平 11件必買推介

06) 元朗友指定生日蛋糕 $12/件、原個$125 – $170/磅

老字號街坊麵包店,憑著一個芒果蛋糕俘虜元朗友,遇著大時大節,更要排長龍取餅!海綿蛋糕鬆軟、蛋味濃,奶油結實有奶油香,主角芒果更是落得足料,有齊芒果粒和芒果片,訂餅時仲會提醒,若當日芒果唔夠甜,會即時致電通知,好貼心。

【有地址】元朗隱世美食 6大懷舊之選 元朗地膽食過未?【有地址】元朗隱世美食 6大懷舊之選 元朗地膽食過未?

金蘋果餅店

地址:元朗安寧路 84 號地下

營業時間:6:30am–8:00pm