早兩日搭西鐵唔小心掂到港女條腰

weiwei11     2016-12-07     229     檢舉
早兩日搭西鐵唔小心掂到港女條腰

是咁的,小弟住元朗,每日出入都係搭西鐵,有搭開既人都知道西鐵出名返工放工時間迫到hihi。

咁我早兩日搭西鐵,一入到車箱,已經企滿曬人,無位再入,我都係夾硬迫入去,門口玻璃門神位度有條港女企左喺度,sorry,係挨左喺度先岩(其實我都唔明,啲港女點解一上車就要搵野挨,又唔係7老80,好似無腰骨咁),

我唯有企響佢隔離,隻手扶住佢塊玻璃隔離條柱,呢一刻條港女已經藐緊我。

我都唔明佢藐乜,你霸左塊玻璃,而家我得條柱揸下手都唔俾?

塊玻璃又係你既,條柱又係你既,你贏曬好未? 你下次買多張八達通,book埋條柱呀笨!

咁你有你挨,我有我捉住條柱,本來都相安無事既,點知架西鐵chok一chok,我隻手就掂到條港女條腰,佢即刻怒bear我,

仲叫我睇_住呀!我心諗掂下啫,唔洗咁大反應既,如果唔掂得就搭的士囉,搭乜西鐵呀?!架車chok成咁,你肯定你無郁過?

其實大家都企唔穩,大家都有責任,車長都有責任,港鐵仲係最大責任添,點解好似淨係我錯曬咁?(仲要俾人擺上facebook公審,放咗去盡在元朗個group)

其實西鐵載客量係104%,你知唔知咩係104%? 就係如果架西鐵只可以容納100個人,佢而家載緊104個人呀,果4個人企車頂呀?

你當呢度係印度呀? 將就下啦!香港人!

早兩日搭西鐵唔小心掂到港女條腰