【高齡孕婦易攰】挺巨肚行街 39歲謝安琪狂搓腰摸肚

BigBoysClubAisa     2016-11-10     3     檢舉

謝安琪(Kay)同老公張繼聰講到明想生多個,而人妻今年4月喺佢嘅紅館個唱宣布暫別樂壇1年,睇嚟都係為咗生B而努力,事隔大半年,佢張生張太終於如願以償,喺月前張繼聰喺fb宣布好消息,仲透露謝安琪今胎係陀女。

暫別樂壇之後,不時被影到同老公拍拖行街,雖然o依家粗身大細,不過佢都照樣陪老公shopping,日前同佢老公現身銅鑼灣,當日下午5點半張繼聰拎住一大袋戰利品去咖啡店,原來Kay一早已經坐咗喺咖啡店等老公,Kay白衫黑裙戴著闊邊帽,陀住5個多月B女嘅Kay,個肚都真係幾巨,搞到佢等lift嗰陣,佢都忍唔住要搓下條腰。

落到停車場,Kay見到記者非常友善仲主動打招呼,而老公就傍到實,仲服侍埋Kay上車坐定定先至自己登上架駛座,上到車Kay又除埋帽同記者講bye bye,睇嚟心情非常好!