【鵲巢鳩佔】24歲吳若希肚凸進駐闊少Alex千萬寓所 過大海避風頭

BigBoysClubAisa     2016-11-10     7     檢舉

24歲吳若希今年7月宣布同澳門闊少Alex拍拖,點知公開兩個半月,吳若希忽然喺Instagram高調分手,轉個頭又話復合,更有討論區傳佢有咗要息影,估唔到吳若希真係公開講要休息,請假一年,今日有周刊爆吳若希肚凸凸現身澳門,原來佢過大海休養,身形更圓潤咗!

有工作人員更向周刊爆料話本來年尾係各大頒獎典禮,點知吳若希忽然要放假,仲交埋醫生紙證明精神不佳影響工作,上周四被影到佢同工人拎住5個行李去坐船,成程著鬆身衫、平底鞋,上圍更升級,男友Alex嚟碼頭接佢,佢哋見面亦好唔浪漫,Alex將行李放喺車尾,吳若希就喺度撳手機,中途去銀行提取成疊金牛,架車跟手直駛去氹仔千萬嘅寓所,素顏嘅吳若希眼腫面腫,二人成程冇咩交流,直至傍晚,吳若希換咗另一件鬆身衫,由Alex揸車去船塢貨倉,吳若希亦好易覺得攰,未知就見愛犬Honey,原來佢哋帶愛犬Honey過嚟,睇嚟吳若希短期內都唔會返香港噃!逗留喺澳門嘅第三日,吳若希先喺Ig更新貼近照,同大家講晚安。

據報道指,本來男友Alex因為佢啲港女性格日漸疏遠,點知吳若希發現有「籌碼」,即令男友乖乖講復合,亦有傳吳母反對囡囡停工,為咗呢件事吳若希同媽咪嘈過,再講目前又傳佢大肚,佢惟有過大海避一避。